Smartphones me rrezatimin më të lartë

Sipas matjeve të agjensisë federale Gjermane të rrezatimit

Shërbimi Gjerman për mbrojtjen nga rrezatimi (Bundesamt für Strahlenschutz)  ka një bazë të dhënash të matjeve të bëra në smartphones, për sa i përket rrezatimit që lëshojnë.


Sipas matjeve të Gjermanëve, në mesin e 15 modeleve që lëshojnë rrezatim të lartë,  ka 9 smartphones të cilat janë prodhim i kompanive Kineze, me Huawei të ketë 6 smartphones në Top 10.

Siç mund ta shikoni në grafikun përkatës të përgatitur nga Statista, telefoni me rrezatimin më të lartë është OnePlus 5T, ndërsa modeli vëlla OnePlus 5 pozicionohet në vendin e 8-të në dhjetëshe.

 Në listë me rrezatimin më të keq nuk mungojnë dhe telefonat e famshëm  me modelet e fundit të Apple, iPhone 7 / 7plus dhe iPhone 8.

Matjet i referohen energjisë që thithet nga trupi i përdoruesit dhe njësitë janë Watt për kilogram - Indeksi i rrezatimit SAR. Në këtë rast, shumat e rrezatimit janë matur në kokën e përdoruesit kur smartphone ishte në kontakt me veshin gjatë një telefonate.

Kufiri maksimal i rrezatimit ka qenë ndërkombëtarisht 2 vat për kilogram, por në bazë të certifikimit Gjerman të mbrojtjes së mjedisit Der Blaue Engel, modelet nuk duhet të tejkalojnë 0,60 vat për kilogram.